|
Río Meneses, afluente do Lérez |
|
O Concello de Campo Lameiro aséntase o carón do Río Lérez que exerce tamén de límite municipal separando a este do concello de Cotobade polo surleste. O Río Lérez nace na Serra de Candán a 900m de altitude e desemboca na Ría de Pontevedra. Mide 57 Km de lonxitude, cunha conca de 449.5 km3. O Lérez ten 7 afluentes con maior importancia que son o Quireza, Rego Grande, Gargallóns, Tenorio, Almofrei, Berducido e Fontáns. En Campo Lameiro existen dous afluentes con menor grado de importancia que son O Rego de Meneses, na parroquia de Campo, que a súa vez ten 3 regos que desembocan nel: o Rego de Chacente, o Rego de Moscallo e o Rego de Toxoxeiras. O outro afluente que atopamos é o Rego dos Calvos que se atopa tamén na parroquia de Campo. Entre os elementos naturais máis destacados do Lérez ó seu paso por Campo Lameiro son a Praia Fluvial de Lodeiro, o Couto de Pesca de Cutián, as Áreas Recreativas de Lodeiro e Redonde e as pequenas illas que se forman no seu curso. REDE NATURA 2000 O Río Lérez está englobado na Rede Natura 2000, sendo unha zona LIC (Lugar de Interese Comunitario). Os hábitats de interese comunitario presentes no LIC do Río Lérez son: • Uceiras secas europeas. • Uceiras oromediterráneas endémicas con toxo. • Bosques aluviais de Alnus glutinosa e Fraxinus excelsior (Alno-Padion, Alnion incanae, Salicion albae). • Carballeiras galaico-portuguesas con Quercus robur e Quercus pyrenaica. |
|
Custodia do territorio no río lérez |
|
Campo Lameiro—Terra de auga |
|
Lugar de Interese Comunitario Río Lérez |
|
O Río Lérez |
|
Teléfno: 986 75 20 34 Fax: 986 75 24 84 |
